Cada despacho, illado
Os expedientes, clientes e documentos dun despacho só os ve ese despacho.
Seguridade
Os teus datos e o segredo profesional
Levas datos de clientes e asuntos que non poden saír do despacho. Así os protexemos.
Documentos fóra da web
Os ficheiros non están na parte pública do servidor e só se descargan coa sesión do despacho aberta.
Dobre factor ao entrar
Ademais do contrasinal, a primeira vez que entras desde un ordenador pedímosche un código que chega ao teu correo.
Contrasinais que ninguén pode ler
Gárdanse transformados de forma que non se poden recuperar, tampouco nós. Toda a web vai cifrada por HTTPS.
Formularios protexidos
As altas, a recuperación do contrasinal e o contacto levan un captcha propio, sen servizos de terceiros nin cookies de publicidade.
Contrato de encargo do tratamento
Ao darte de alta aceptas o contrato que esixe a lei: ti es o responsable dos datos dos teus clientes e nós tratámolos só para prestarche o servizo.
A IA, cando ti queiras
Sobre os teus documentos está apagada por defecto. Acéndea o titular do despacho despois de ler que se envía e a quen.
Servidores na Unión Europea
Os datos do despacho gárdanse en servidores da Unión Europea. Se activas a IA sobre os teus documentos, o documento que mandas ler envíase ao seu provedor, como explica o contrato.
Expediente compartido, con control
Cando compartes un asunto con outro profesional, só ve o que ti marcas, e podes cortar o acceso en calquera momento.
Somos un servizo informático, non un despacho de avogados
Lex Total é un programa e unha web: tecnoloxía para que avogados e procuradores traballen mellor. Os que o facemos non somos un despacho nin xuristas; non asesoramos, non levamos asuntos e non opinamos sobre ningún caso. Os escritos, os prazos e as decisións son sempre do profesional.
Próbao co teu propio despacho de demostración
Nun minuto tes un despacho con clientes, expedientes e prazos de exemplo para probalo todo, tamén a intelixencia artificial. Trinta días, sen tarxeta e sen compromiso.
